حبيت أهنيكم وأهني نفسي بمرور سنة حلوة وجميلة على بداية المدونة. البداية كانت 6 سبتمبر 2009 يعني زي بعد بكره

مد يدك لا تستحي

وبمناسبة هالسنة ومناسبة العيد اللي بعد اسبوع، حبيت أغير قالب المدونة اللي للأسف صار منتشر في نص مدونات خلق الله وبالمرة نغير اللوك لشكل جديد أعرض شوي من السابق. وبهالمناسبة أحب أودع القالب القديم واقوله مع السلامه بلا رجعه إن شاء الله…القالب الجديد أصلا أحسن منك يالخايس (صدق إني جاحد )

القالب القديم إنتشر في كل مكان

هالقالب الجديد اللي أنتم شايفينه طبعا كان الخامس في قائمة قوالب كثيرة إشتغلت عليها الأسبوع الماضي وعربت بعضها وغيرت من بعضها لحد ما رسيت على هالقالب الجديد بعد إستشارة طاقم الإدارة في منتدى جوريات الله يخليهم لي ترى بغيت أحط قالب أسود بس هم اللي أقنعوني إنه لون شين مع إني أحب هاللون. عموما اللي نفسه في قالب معرب أسود يقولي وأنا أرفعه للمدونة للجميع. (هذا رابطه بالمناسبة للي حاب يطلع عليه قبل التعريب)

وبهالمناسبة أيضا حبيت اشكر كل من زار المدونة سواء علق على المواضيع أو ما علق. وأحب أشكر كل من حط رابط لمدونتي أو مواضيعي في موقعه أو في تويته في تويتر أو فيس بوك أو غيره وخصوصا أبو نواف (هو ما غيره صاحب شبكة أبو نواف ) والزائرة الدائمة فاتن (تونا جاوية بالنكهة اليابانية) وأهنيها بعد بمناسبة مرور سنة على مدونتها . أصلا نص الزوار اللي يجون للمدونة وصلوا من تويتات أبو نواف وفاتن . شكري لهم نابع من قلبي بنسبة 95% والباقي تمصلح وتلزق عشان ينشرون مدونتي أكثر

ولا أنسى أشكر مشرفي جوريات Noorea على تصميم اللوقو الخاص بالمدونة و MeMoo على تصميم أيقونات شبكة ابو نواف وجوريات اللي على اليسار

أحبك يا قوقل وأحب خدماتك الحلوة

حتى الآن أكبر عدد من الزوار في يوم واحد كان 380 زائر يوم 8 يوليو 2010 بعد موضوع اللحسة (كيف تصور نفسك وأنت تصور نفسك لما تصور نفسك؟؟؟) واللي أعتبره البداية الفعلية لنشاطي في المدونة وبداية إنتشار المدونة خصوصا بعد تويتة أبو نواف عن الموضوع . حتى الآن بلغ عدد التدوينات (او المواضيع بالأحرى) 77 تدوينة في 21 تصنيف وبمجموع 178 تعليق. وإن شاء الله أستمر معاكم للأفضل واقدر أرسم البسمة على شفاهكم في كل زيارة (ولو إني أحيانا أمصخها واجيب اشياء يمكن ما تعجبكم ).

تحياتي

يسعدني أبلغ جميع اللي ما عجبهم القالب إني قررت أغيره . رجعت مرة أخرى لإستخدام قالب Garland  اللي كان لي معاه ذكريات . هذا القالب كنت ولازلت أستخدمه في مدونتي القديمة على بلوقر. وبعد تجربة القالب السابق تلقيت أكثر من إعتراض من بعض الأصدقاء اللي ما عجبهم القالب وأنا بصراحة ما كان عاجبني بعد لكني كنت مبسوط فيه لأنه أول قالب أعربه بالكامل. وإستفدت من خبرتي اللي إكتسبتها من تعريبه في تعريب هذا القالب. والحمد لله تمت العملية بنجاح وبشكل مرضي.

قالب Garland-revisited

أما بالنسبة للقالب السابق فبإذن الله بأطرح لكم النسخة المعربة منه قريباً للي حاب يستفيد منه في مدونته الخاصة أو يتعلم منه.

ثاني شيء: أكيد لاحظتوا التغيرات . أبشركم وبحمد الله إنتهيت ولأول مرة في حياتي من تعريب قالب ووردبريس خاص فيني. طفشت من إنتظار خلق الله عشان يعربون القوالب الحلوة .

طبعا الناس طلعوا يعايدون أهلهم وقرايبهم وأنا معكتف في البيت من الساعة 11 ليلة العيد إلى الساعة 3 صباح ثاني أيام العيد (يعني أكثر بشوي من 24 ساعة ). خلال هالوقت وبالرغم من الزكمة والصداع بحمد الله إنتهيت من تعريب هذا القالب اللي أنتو شايفينه الآن. عملية التعريب كانت سهلة وبسيطة في مجملها لسببين: إن هالقالب ما فيه صور تحتاج تعديل بالفوتوشوب وإنه ما فيه سايدبار (قائمة جانبية) لأني بصراحة إلى اليوم ما أعرف كيف أنقل القائمة من اليمين إلى اليسار .

القالب مثل ما إنتو ملاحظين بسيط جدا جدا في تصميمه وشكله وهذا اللي يخليه اسرع بكثير من القالب السابق. طبعاً ما أنكر إن القالب السابق أحلى وأجمل لكن أنا بصراحة حاب أتعلم وأغثكم . وإن شاء الله إذا هالإصدار كان بدون مشاكل رح أعطيكم رابط تحميله للي عنده مدونة وحاب يجرب هالقالب الخفيف في المستقبل القريب. وأكيد طبعاً بتكون لي محاولات أخرى وقوالب جديدة إن شاء الله.

بالنسبة لرابط تحميل القالب الأصلي قبل التعديل: تلاقونه هنا. وإذا عندكم أي ملاحظة على أداء القالب أو Glitch أو Bug أو عيب مصنعي في القالب تقدرون تبلغوني من هنا. وياليت أسمع منكم رأيكم من خلال التعليقات.

تنبيه: القالب مجرب على متصفحات الفايرفوكس والقوقل كروم و أوبرا. وتأنف نفسي بل وتأبى تجربته على الإنترنت إكسبلورر. إذا طلعت لك اي مشكلة في تصفح المدونة أثناء إستخدامك للإنترنت إكسبلورر فأنا أخلي مسئوليتي تماما .