كل عام وأنتم طيبين بمناسبة عيد الفطر…وبمناسبة عيد المدونة الثاني اليوم 6 سبتمبر 2011.

كبكيكة عيدنا الثاني...

كنت ناوي أفاجئكم بهدية حلوة عبارة عن تطبيق للجوال (أندرويد و آيفون) للمدونة عشان تتصفحون المدونة من جوالاتكم…لكن الشكل النهائي للتطبيق ما عجبني فأجلت الموضوع لسنة أخرى إن شاء الله…يمكن ألاقي مبرمج محترف يصلح لي التطبيق بدل هالموقع المجاني

عموما اللي حاب يجرب يصلح تطبيق…يزور هالموقع ويطقطق على كيفه (يحتاج تسجيل طبعا).

تحياتي لكل المتابعين للموقع سواء عن طريق الزيارة المباشرة أو عن طريق تويتر وقوقل ريدر وفيس بوك وغيرها. وإن شاء الله تستمر مدونتي المتواضعة في إسعادكم 

ياحبي لكم 

وش السالفة؟؟ مدري والله ما فهمت شيء. كنت فاتح إيميلي (هوتميل) ولفت نظري شيء في يمين الصفحة

هالشيء عبارة عن إعلان فلاشي..

وطبعا لما تنقر على التنورة…

مدري من اللي لاعب عليهم وقايل لهم إنهم يعرفون عربي. وبعدين يعني على بالهم بيستهدفون مستخدم الإنترنت العربي بهالطريقة

المشكلة بعد مو محصورة في اللغة الغبية أو الطريقة القذرة اللي يتبعونها في محاولة جذب مستخدم النت. المشكلة إنهم يحاولون يتقربون لك بغباء. يعني يلبس شماغ أو غترة عشان يقنعك إنه سعودي مع إنه في الحقيقة لابس مفرش سفرة أو غطاء مخده مثل هالخبل:

قناة تواصل جديدة على تمبلر…خصصتها للخنبقة

[تحديث 12 أكتوبر 2011 - تم تغيير الرابط أعلاه]

(يطلع واحد من وسط الجمهور ويصيح: هو فيه خنبقة أكثر من اللي يصير في المدونة؟؟ بكل بجاحة أرد عليه: إيه )

لا تنسون تشتركون في الخلاصات إذا عندكم قوقل ريدر

اليوم طحت في النت على نسخة قديمة لمجلة المصور من عام 1954م في عدد خاص عن السعودية. وأنا قاعد أتصفح المجلة لفت نظري هالبروفايل عن تاريخ السعودية في إستضافة المستجيرين وطالبي اللجوء السياسي

عقبال بعض الناس اللي في بالي